Vengthar Presbyterian Church

Worship place for believers

Best denomination of the world

Excellent place for worship.

kolaSib vengthar PRESBYTERIAN kohhran chanchin tlangpuinn-Upa K. Zalawma, SecretarynnThu bul : Diakkawn Kohhran atangin 1975 kumah New Diakkawn Kohhran hi South Diakkawn tih hming puin a indang a, kum 6 lai a liam hnuah Biak In sakna tur hmun chungchangah Kohhran Committee member te ngaihdan a inrual loh avangin 1982 kumah South Diakkawn Kohhran chu Hmarthlang Presbytery Standing Committee chuan Kohhran pahnihah a then ta a ni.nnKohhran hming : Dt. 23.3.1982-a Hmarthlang Presbytery Standing Committee chuan, “Tun atan a lam remchan nan biak In No. I chu Diakkawn Chhimveng tih leh Biak In No. II chu Kolasib Vengthar Kohhran tiin kan vuah,” tiin a rel a {N.E Presby. Standing Committee Resln. No. 5(e)}.nnTichuan Kohhran thar lo piang Kolasib Dinthar Kohhran Committee chuan reilote hnuah Dinthar tih chu Vengthar tiin a thlak leh ta a ni. He tih laia Kohhran Upa awm chhun Upa Lalthansiama chuan a lehkha bu ziak, ‘Kawlasib Khawpui Chanchin’ tihah chuan hetiang hian a ziak a, “Veng pa-ho kal khawm chuan veng hming la nei mumal lo chu, ‘Kolasib Vengthar’ an vuah a. Kohhran pawh chuan a pu ve nghal a ni,” tiin (Kolasib Khawpui p-131).nnSynod lamah Kohhran chu hriattir a ni a, registration no chu 346 a ni a, Kohhran Seal pawh siam tir a ni a, Seal-ah chuan “Mizo Presbyterian Church Mizoram 346 Vengthar, Kolasib” tia ziak a ni.nnNovember 22, 2017-ah Sunday School Committee-in MSSU Flag-a Kohhran hming ziah dan tur Kohhran Committee a zawhna chu, Synod Archive lamah kan Kohhran hming leh registration number te zawh chian a ni a, Synod in Registration a siam that hnuah kan Kohhran hming a lo awm tawh loh bakah, no. 346 chu Kohhran dang number a lo ni tawh tih hriat a ni a. Kohhran Committee chuan, ‘Kolasib Vengthar Kohhran tih hi kan Kohhran Official name a ni e’ tiin a pass leh ta a ni. {Ref. C/No. 661/17/15 Resln. No. 11(6)}nnBiak In : Kolasib Vengthar Kohhran hian Biak In a neih hmasak chu National Highway 54-in a sut chhiat avangin a ram la him chin chu hralh a ni a, BRTF atanga compensation a lakna leh ram hralhna man chuan tuna Biak In awmna hi lei a ni a, concrete building-in Biak In chu sak a ni a. December 22, 1990 khan Biak In thar chu hawn a ni leh ta a ni. Biak In chungah hall sak zawm a ni a, 1994-ah Zorama Chanchin Tha lo thlen Centenary denchhenin Centenary Hall tiin hawn a ni a, kum 2012 atangin Gospel Centenary Hall chu Biak In atan sa thain August 12, 2017 zanah luah luh a ni a, December 26, 2017 hian Biak In thar chu hawn a ni leh ta a ni. Pathianin Kohhran min hruainaah lawmthu i sawi ang u.nnKohhran Indan : Kolasib Vengthar Kohhran hi a tirah chuan dan zawhkim 179 kan ni a, 2010 a lo her chhuah meuh chuan dan zawhkim sang chuang fe kan lo tling tawh a, Khuangpuilam Kohhran pawh hemi kum hian kan indan ve ta a, Upa C. Rokima’n a indanpui a ni.nnPastor Bial thar : 2017 Synod Inkhawmpui chuan Diakkawn Bial atangin ‘Kolasib Vengthar Bial’ a siam a, a station atan ‘Kolasib Vengthar Kohhran’ tiin a passed rup mai a, Bialtu Pastor atan Rev. K. Lalthlanpuia, Masihi Sangati Director, Bawngkawn chu ruat a ni a, a lawmawm hle mai. January 13, 2018 hian Bial thar hawnna leh Special Bial Inkhawmpui neih a ni ang a, a tuk January 14, 2018-ah Pastor induction Service neih nghal a ni dawn a, Pastor dahnghet tur hian Rev. P.C. Pachhunga, Senior Executive a lo kal ang.

Holy place.